Land it lugg (6)

Das Frundsbergfest 2018 steht vor der Tür. Grund genug, in meiner Serie Land it lugg für einmal nicht Gedanken zur Mundart zu äußern, sondern ein Mundartgedicht sprechen zu lassen. Die Mindelheimer und ihr Umland haben sich für ihre einzigartige Veranstaltung, die längst überregionale Bedeutung erlangt hat und die Menschen alle drei Jahre durch ihre liebenswerte Natürlichkeit in ihren Bann zieht, höchste Anerkennung verdient. Mein Gedicht Mendlhoimer Gsella nimmt die Zeit der Vorfreude, wenn bei den Mindelheimern die Bärte und der Haarschopf wachsen und wuchern, zum Anlass, um vom Frundsbergfest zu erzählen.

Mendlhoimer Gsella

Zottlig dabbat finschtra, hagabuachna Gsella
haurig ond mit Bärt dur Mendlhoi, grob wia sa send,
hand dean Verhau am Keaza detta sell hauh wella
ond au des wirr Gschtrüpp doba auf em Grend.

Wenn ´s an dr Mendl d´ Manndsblder nauch sella Blmas blangat,
send ens Land meah drei Jauhr ganga ond dia Däg it weit,
wo en dr Luft a Hauch vu Middlalter en da Gassa hangat
ond d´ Schtadt na d´ Schtrauß vool Rossbolla meah leit.

Nau drommlats z´ Mendlhoi ond d´ Fahna fliachat
dr Bauramarkt laut eis schier d´ Auga ibergauh,
em Häs vu det mit Esl Marktleit dur d´ Schtadt ziachat,
iber ´m Lagerleaba draumat d´ Schteara ond dr Mauh.

Dia alta Zümft verwachat vor dr Schteffanskurcha,
da Wanger, Buachdrucker ond Keezaziacher siggba dau,
dr Schtoimetzhamer maißlat gschtätla seina Furcha,
d´ Fraua hechlat Flaggs ond ´s Schpennrad dreht sa au.

Iber d´ Schwaubawies ziacht kähl dr Bulverdampf,
beir Schlacht vu Beitlschtoi schnöllt ´s zom Verrecka,
doch isch amend er ausgschtanda, dr grausig Kampf,
watat d´ Fähnla scha mit Schmalzbrot ond Rauhmflecka.

Dr Brui schenkt ´s Zwicklbier aus schwera Banza,
dr Brauta dreht sa resch ond saftig iber ´m Fuier,
Landskneacht hebat en da Bratza Schpiaß ond Lanza,
allat moisch, so schea gweah isch ´s noh nia wia huier.

Wenn ´s scheints bei eis koi Haurschneider meah haut,
nau isch gwieß d´ Frundschbergfeschtfraid nomma weit,
em Augaleichta vu da Mendlhoimer z´ leasa schtaut,
dia zottlig-hagabuachna Gsella send ganz furchtig netta Leit.