´s isch Weihnächta …
wenn dr Morga mit ma Gfll schtll aufschtaut,
des wo sa bloß an deam sella Da gschpiera laut.
´s isch Weihnächta …
wenn d´ Kend froah ibr ´s ganz Gsichtla lachat
ond am Kalender dana ´s letscht Dierla aufmachat.
´s isch Weihnächta …
wenn sa beir Krippafeier ´s Kenderheaz reggt
ond a Glitzga auf eahna Aigla waich leggt.
´s isch Weihnächta …
wenns gschtätla dussa riabig ond nacht weat,
wenn dr sell Aubad deam gotziga Liacht bloß noh gheat.
´s isch Weihnächta …
wenn ´s Krippala dia Gschicht lebendig macht,
wo sa z´ Beathlehem zuadra haut en seller Nacht.
´s isch Weihnächta …
wenn i da alta Baum ens Ofafuir schiab
ond wenn koina Gschenker i it kriag.
´s isch Weihnächta …
wenn dob em Dura d´ Glocka schwer ahschlagat
ond meina Gedanka naus en d´ Nächta mit sa dragat.
´s isch Weihnächta …
wenn en Frieda ´s Heaz diaf denna gschpiera kah,
en Frieda, dean wo bloß dia gotzig Nacht eis z´ geah vermah.
Gesegnete Weihnachten und alles Gute für ein gesundes neues Jahr.
Die große Welt gerät aus den Fugen.
Passen wir umso besser auf unsere kleine Welt auf.
Euer mk