Gäh isch dr Weag diamaul, er leit allbott voola Schtoi,
schwer wearat d ́ Schritt, sie deichat sa furchtig alloi.

Da Bllmas henkat sa na ond ́s Gschtell duat na weah,
vermiadat, a weng kromm kommat schtll sa drhea.

Bugglnauf, bugglna isch en oim Dromm meah ganga,
driab siggba dia dreia schtomma Gedanka nauchhanga.

Ibr a Wucha send sa scha z ́ weitascht futt vu drhoi,
koiz hockat d ́ Weahdaga eahna en Mark ond Boi.

Sie verhangat an Wuza, Doara schtechat ond schtupfat,
sie schloabbat, weil sa d ́ Fiaß schiar nomma verlupfat.

Lang wearat d ́ Schatta ond lang weat meah dr Da,
auf dean Weag hand sa it wella, doch miaßat ́sn dra.

Am Heml dob hiatat […]